یانرم سنن  اتور  هر گجه من نازلی نگار
سازمین سیملرینی ساز ائله سن سازلی نگار

 


تار پودیم سنن آوازویلن جانه گلر
اوخی سازونده منی یاد ائله آوازلی نگار

 

دوشمشم بر بیاباندا سسون آختاررام
یئلینن یولا منه عطروی دمسازلی نگار

 

دوداقونان یاناقونان آچلوب قرمزی گل
یئملی ایلملی دململی یازلی نگار

 

سنی تصویره چکیر گوزلریم اما یوخسان
ب نه جادودی واروندی باخشی رازلی نگار

 

قورخرام قافیه دای تنگه گله ناز ائلمه
منی باشدان ائلمه ای سوزی اولمازلی نگار